upasiva manava pucca of suttanipata in kannada 6. ಉಪಸೀವ ಮಾಣವ ಪುಚ್ಚ (ಉಪಸೀವ ಮಾಣವನ ಪ್ರಶ್ನಾವಳಿ)

6. ಉಪಸೀವ ಮಾಣವ ಪುಚ್ಚ (ಉಪಸೀವ ಮಾಣವನ ಪ್ರಶ್ನಾವಳಿ)

1.            ಉಪಸೀವ- ಹೇ ಶ್ರೇಷ್ಠರೇ ! ನಾನು ಒಬ್ಬೊಂಟಿಯಾಗಿದ್ದೇನೆ. ಇದು ನಿಜಕ್ಕೂ ದೊಡ್ಡ ಪ್ರವಾಹವಾಗಿದೆ. ಸಹಾಯದ ಹೊರತು ಇದನ್ನು ನಾನು ದಾಟಲು ಸಾಮರ್ಥನಾಗಿಲ್ಲ. ಹೇ ಸರ್ವವನ್ನು ಅರಿಯುವಂತಹ ಸಮಂತ ಚಕ್ಷುವಂತರೇ, ಯಾವುದಾದರೂ ಅವಲಂಬನೆ ತಿಳಿಸಿ. ಅದರ ಸಹಾಯದಿಂದ ನಾನು ಈ ಪ್ರವಾಹದಿಂದ ಪಾರಾಗುವಂತಾಗಲಿ.

2.            ಭಗವಾನರು- ಅಕಿಂಚಾಯತನವನ್ನು (ಏನೂ ಇಲ್ಲ ಎಂಬ ಸ್ಥಿತಿಯನ್ನು) ನೋಡುತ್ತಾ, ಸ್ಮೃತಿವಂತನಾಗು. ಏನೂ ಇಲ್ಲ (ಶೂನ್ಯ) ಎಂಬುದನ್ನು ಅವಲಂಬನೆ ಮಾಡುತ್ತಾ ಈ ಸಂಸಾರದ ಪ್ರವಾಹವನ್ನು ದಾಟಿಹೋಗು. ಕಾಮಗಳನ್ನು ತ್ಯಾಗಮಾಡಿ, ಸಂಶಯಗಳಿಂದ (ಕಥನಗಳಿಂದ) ವಿರತನಾಗು. ಅಹೋರಾತ್ರಿ ತಣ್ಹಾ ಕ್ಷಯದಲ್ಲಿ ತೊಡಗುವಂತಾಗು.

3.            ಉಪಸೀವ- ಯಾವಾಗ ಒಬ್ಬನು ಕಾಮಗಳಿಂದ ವಿರಕ್ತನಾಗುತ್ತಾನೋ, ಯಾರು ಅಕಿಂಚಾಯತನದ ಸಹಾಯದಿಂದ ಅನ್ಯವೆಲ್ಲವನ್ನು ತ್ಯಾಗ ಮಾಡಿದ್ದಾನೋ, (7) ಸಂಜ್ಞಾ ವಿಮೋಕ್ಖಗಳಲ್ಲಿ ಪರಮ ವಿಮುಕ್ತವಾದ ಅಕಿಂಚಾಯತನದಲ್ಲಿ ವಿಮುಕ್ತನಾಗಿರುತ್ತಾನೋ ಅಂತಹವನು ಅಲ್ಲಿಗೆ ಹೋಗದೆಯೇ ಇರಬಲ್ಲನೇ?

4.            ಭಗವಾನರು- ಯಾರು ಸರ್ವ ಕಾಮನೆಗಳಿಂದ ವಿರಕ್ತನೋ, ಯಾರು ಅಕಿಂಚಾಯತನದ ಸಹಾಯದಿಂದ ಬೇರೆಲ್ಲವನ್ನು ತ್ಯಾಗ ಮಾಡಿರುವನೋ (7) ಸಂಜ್ಞಾ ವಿಮೋಕ್ಖಗಳಲ್ಲೇ ಪರಮೋತ್ತಮವಾದ ಅಕಿಂಚಾಯತನದಲ್ಲಿ ವಿಮುಕ್ತನಾಗಿರುವನೋ, ಅಂತಹವ ಅಲ್ಲಿಗೆ ಹೋಗದೆಯೂ ಇರಬಲ್ಲನು.

5.            ಉಪಸೀವ- ಹೇ ಸಮಂತ ಚಕ್ಷುವಂತರೇ, ಆತನು ಅಲ್ಲಿಗೆ ಹೋಗದೆಯೇ ಅನೇಕ ವರ್ಷಗಳವರೆಗೆ ಇರಬಲ್ಲವನಾದರೆ, ಅಂತಹವನ ವಿಞ್ಞಾನವು (ಅರಿವು) ನಿರೋಧವಾಗುವುದೇ? ಹಾಗು ಅಲ್ಲಿಯೇ ಆತನು ವಿಮುಕ್ತನಾಗುವನೇ?

6.            ಭಗವಾನರು- ಹೇಗೆ ಮಿನುಗುತ್ತಿರುವ ಜ್ವಾಲೆಯು ವಾಯು ವೇಗದಿಂದ ಆರಿಹೋಗುವುದೋ, ಪುನಃ ಕಾಣುವುದಿಲ್ಲವೋ, ಅದೇರೀತಿಯಲ್ಲಿ ಮುನಿಯು ನಾಮಕಾಯ (ಮನಸ್ಸಿನಿಂದ) ದಿಂದ ವಿಮುಕ್ತನಾಗಿ ಆರಿಹೋಗುತ್ತಾನೆ. ಪುನಃ ಯಾವುದೇ ರೀತಿಯಲ್ಲೂ ಕಾಣುವುದಿಲ್ಲ.

7.            ಉಪಸೀವ- ಈ ರೀತಿಯಲ್ಲಿ ಆರಿಹೋಗಿರುವವನು ಪುನಃ ಉದಯಿಸುವುದಿಲ್ಲವೇ ಅಥವಾ ಉದಯಿಸಿ ಶಾಶ್ವತನಾಗುವನೇ, ನಿತ್ಯ ಆರೋಗ್ಯವಾಗಿರುವನೇ ಅಥವಾ ಇಲ್ಲದೆಯೇ ಹೋಗುವನೇ? ಹೇ ಮುನಿಗಳೇ, ತಾವೇ ಧಮ್ಮವನ್ನು ಸಾಕ್ಷಾತ್ಕರಿಸಿರುವುದರಿಂದಾಗಿ ತಾವೇ ವಿವರಿಸಿ, ನನಗೆ ಸ್ಪಷ್ಟಪಡಿಸುವಂತಾಗಲಿ.

8.            ಭಗವಾನರು- ಆರಿಹೋಗಿರುವುದರ ಬಗ್ಗೆ ಯಾವುದೇ ಪ್ರಮಾಣವಿಲ್ಲ (ಅಳೆಯಲಾಗುವುದಿಲ್ಲ), ಯಾವುದರಿಂದ (ದೇಹ-ಮನಸ್ಸು) ಆತನನ್ನು ತಿಳಿಸಲಾಗುತ್ತಿತ್ತೋ, ಅದ್ಯಾವುದೂ ಅಲ್ಲಿಲ್ಲ. ಸರ್ವ ಧಮ್ಮಗಳು ಶಾಂತವಾದ ಮೇಲೆ ವಾದಪಥವೂ (ವಿವರಣೆ) ಶಾಂತವಾಗುತ್ತದೆ.

ಉಪಸೀವ ಮಾಣವ ಪ್ರಶ್ನಾವಳಿ ಮುಗಿಯಿತು.

dhotaka manava pucca of suttanipata in kannada 5. ಧೋತಕ ಮಾಣವ ಪುಚ್ಚ (ಧೋತಕ ಮಾಣವನ ಪ್ರಶ್ನಾವಳಿ)

5. ಧೋತಕ ಮಾಣವ ಪುಚ್ಚ (ಧೋತಕ ಮಾಣವನ ಪ್ರಶ್ನಾವಳಿ)

1.            ಧೋತಕ- ಹೇ ಭಗವಾನ್, ನಾನು ತಮ್ಮಲ್ಲಿ ಪ್ರಶ್ನಿಸುತ್ತಿದ್ದೇನೆ. ತಾವು ದಯವಿಟ್ಟು ತಿಳಿಸುವಂತಾಗಲಿ. ಹೇ ಮಹಷರ್ಿ! ನಾನು ತಮ್ಮ ನುಡಿಗಳನ್ನು ಕೇಳಲು ಅತ್ಯಂತ ಕಾತುರನಾಗಿದ್ದೇನೆ. ತಮ್ಮ ಧಮ್ಮವನ್ನು ಆಲಿಸಿ, ನನ್ನ ನಿಬ್ಬಾಣ ಪ್ರಾಪ್ತಿಗಾಗಿ ಅಭ್ಯಸಿಸಲು ಸಿದ್ಧನಾಗುವೆ.

2.            ಭಗವಾನರು- ಹಾಗಿದ್ದರೆ ಪ್ರಯತ್ನಶಾಲಿಯಾಗು, ಏಕಾಂತಗಾಮಿಯಾಗು ಹಾಗು ಜಾಗರೂಕನಾಗು. ಇಲ್ಲಿ ಧಮ್ಮವಾಣಿ ಆಲಿಸಿ, ನಿನ್ನ ನಿಬ್ಬಾಣ ಪ್ರಾಪ್ತಿಯ ಅಭ್ಯಾಸದಲ್ಲಿ ನಿರತನಾಗು.

3.            ಧೋತಕ- ಇಡೀ ದೇವ ಹಾಗು ಮಾನವರಲ್ಲಿ ಅಕಿಂಚನರಾಗಿ (ಶೂನ್ಯ ಸಂಪಾದಿಸಿದವರಾಗಿ) ವಾಸಿಸುವುದನ್ನು ನಿಮ್ಮಲ್ಲೇ ಕಂಡಿರುವೆ. ಆದ್ದರಿಂದ ಹೇ ಸಮಂತ ಚಕ್ಷುವೇ (ಸರ್ವವನ್ನು ನೋಡಿರುವಂತಹ) ನಾನು ತಮಗೆ ನಮಸ್ಕರಿಸುವೆ. ಹೇ ಶ್ರೇಷ್ಠರೇ, ನನ್ನ ಸಂಶಯಗಳನ್ನು ದೂರೀಕರಿಸಿ.

4.            ಭಗವಾನರು- ಓ ಧೋತಕ! ನಾನು ಲೋಕದಲ್ಲಿ ಯಾರನ್ನೂ ಸಂಶಯಗಳಿಂದ ಮುಕ್ತರನ್ನಾಗಿ ಮಾಡಲು ಹೋಗುವುದಿಲ್ಲ. ಆದರೂ ಸಹಾ ಯಾವಾಗ ನೀನು ಶ್ರೇಷ್ಠ ಧಮ್ಮವನ್ನು ಅರಿಯುವೆಯೋ ಆಗ ನೀನು ಸಂಸಾರದ ಪ್ರವಾಹವನ್ನು ದಾಟಲು ಸಮರ್ಥನಾಗಿ, ದಾಟಿಯೇಬಿಡುವೆ.

5.            ಧೋತಕ- ಹೇ ಬ್ರಹ್ಮರೇ (ಶ್ರೇಷ್ಠರೇ) ! ಕರುಣೆತೋರಿ ನನಗೆ ಉಪದೇಶಿಸಿ. ಅದರಿಂದಾಗಿ ನಾನು ಧಮ್ಮವನ್ನು ಅರಿಯುವಂತಾಗಲಿ ಹಾಗು ಆಕಾಶದ ರೀತಿ ನಿರ್ಮಲನಾಗಿ, ಇಲ್ಲಿಯೇ ಶಾಂತನಾಗಿ ಹಾಗೂ ಅನಾಸಕ್ತನಾಗಿ ವಿಹರಿಸುವಂತಾಗಲಿ.

6.            ಭಗವಾನ್- ನಾನು ನಿನಗೆ ಶಾಂತತೆಯನ್ನು ತಿಳಿಯಪಡಿಸುವೆ. ಅದು ಸುದ್ದಿಗಳಲ್ಲಿ ಸ್ಥಾಪಿತವಾಗಿಲ್ಲವೆಂದು ಅರಿತಾಗ ಇದೇ ಜನ್ಮದಲ್ಲಿ (ಇಲ್ಲಿಯೇ, ಈಗಲೇ) ಸಾಕ್ಷಾತ್ಕಾರಗೊಂಡು, ಸ್ಮೃತಿವಂತನಾಗಿ ವಿಹರಿಸುವೆ ಹಾಗು ಲೋಕದ ಬಗೆಗಿನ ಎಲ್ಲದರಲ್ಲೂ ಅನಾಸಕ್ತನಾಗುವೆ.

7.            ಧೋತಕ- ಹೇ ಮಹಷರ್ಿ ! ನಾನು ತಮ್ಮ ಉತ್ತಮ ಪರಮಶಾಂತತೆಗೂ, ಪ್ರಣಾಮ ಮಾಡುವೆನು. ಯಾವುದನ್ನು ಅರಿತು ಸ್ಮೃತಿವಂತನಾಗಿ ವಿಹರಿಸುವುದರಿಂದಾಗಿ ಲೋಕದಲ್ಲಿನ ಎಲ್ಲ ಅಂಟುವಿಕೆಗೆ ಅತೀತನಾಗುತ್ತೇನೆ.

8.            ಭಗವಾನರು- ಮೇಲೆ, ಕೆಳಗೆ, ಸುತ್ತಲೂ ಹಾಗು ಮಧ್ಯೆ ಏನೆಲ್ಲವನ್ನು ಅರಿತಿರುವೆಯೋ, ಅದೆಲ್ಲವೂ ಲೋಕದಲ್ಲಿ ಬಂಧನಕಾರಿ ಎಂದರಿತು, ಮರುಜನ್ಮದ ಲಾಲಸೆಯನ್ನು ಸಹಾ ಹೊಂದದಿರು.

ಇಲ್ಲಿಗೆ ಧೋತಕ ಮಾಣವ ಪ್ರಶ್ನಾವಳಿ ಮುಗಿಯಿತು.

mettagu manava pucca of suttanipata in kannada 4. ಮೇತ್ತಗೂ ಮಾಣವ ಪುಚ್ಚ (ಮೇತ್ತಗೂ ಮಾಣವನ ಪ್ರಶ್ನಾವಳಿ)

4. ಮೇತ್ತಗೂ ಮಾಣವ ಪುಚ್ಚ

(ಮೇತ್ತಗೂ ಮಾಣವನ ಪ್ರಶ್ನಾವಳಿ)

1.            ಮೇತ್ತಗೂ- ಭಗವಾನ್, ತಮ್ಮಲ್ಲಿ ವಿನಂತಿಸಿಕೊಳ್ಳುತ್ತಾ ಪ್ರಶ್ನಿಸುತ್ತಿದ್ದೇನೆ. ನನಗೆ ತಿಳಿಸಿ, ನಾನು ತಮಗೆ ಸಂಯಮಿ ಹಾಗು ವೇದಜ್ಞ (ಜ್ಞಾನಿ) ಎಂದು ಭಾವಿಸುತ್ತೇನೆ. ಲೋಕದಲ್ಲಿ ಅನೇಕ ವಿಧವಾದ ದುಃಖಗಳಿವೆ. ಇವೆಲ್ಲವೂ ಎಲ್ಲಿ ಉತ್ಪನ್ನವಾಗುತ್ತವೆ?

2.            ಭಗವಾನರು- ನೀನು ನನ್ನಿಂದ ದುಃಖದ ಉತ್ಪತ್ತಿಯ ಬಗ್ಗೆ ಕೇಳುತ್ತಿರುವೆ. ನಾನು ಹೇಗೆ ದಶರ್ಿಸಿದ್ದೇನೆಯೋ ಅದನ್ನು ಹಾಗೆ ತಿಳಿಸುವೆ. ಆಲಿಸು. ಲೋಕದಲ್ಲಿ ಯಾವೆಲ್ಲಾ ಅನೇಕ ಪ್ರಕಾರದ ದುಃಖಗಳಿವೆಯೋ ಅವೆಲ್ಲವೂ ಉಪದಿಯ (ತೃಷ್ಣೆ/ಅಂಟುವಿಕೆ) ಕಾರಣದಿಂದಾಗಿ ಉತ್ಪನ್ನವಾಗುತ್ತವೆ.

3.            ಯಾರೆಲ್ಲಾ ಅವಿದ್ಯೆಯ ಕಾರಣದಿಂದಾಗಿ ಅಂಟುವಿಕೆ (ಉಪದಿ)ಗೆ ಸಿಲುಕಿ ಬಂಧನಕಾರಕ ಕಮ್ಮವನ್ನು ಮಾಡುತ್ತಾನೋ, ಅಂತಹ ಮೂರ್ಖ ಪುನಃ ಪುನಃ ದುಃಖದಲ್ಲಿ ಬೀಳುತ್ತಾನೆ. ಆದ್ದರಿಂದ ದುಃಖವು ಉಪದಿಯಿಂದ ಉಂಟಾಗುವುದು ಎಂದು ಮನನ ಮಾಡಿಕೊಂಡು ತೃಷ್ಣೆಯಲ್ಲಿ ತೊಡಗದಿರಲಿ.

4.            ಮೇತ್ತಗೂ- ನಾನು ತಮ್ಮಲ್ಲಿ ಯಾವುದನ್ನು ಪ್ರಶ್ನಿಸಿದೆನೋ, ತಾವು ಅದಕ್ಕೆ ಉತ್ತರಿಸಿದಿರಿ. ಈಗ ನಾನು ಎರಡನೆಯ ಪ್ರಶ್ನೆ ಕೇಳುತ್ತಿರುವೆ. ಎಂತಹ ಧೀರರು ಜನ್ಮ, ಜರಾ, ಶೋಕ ವಿಲಾಪಗಳ ಪ್ರವಾಹವನ್ನು ದಾಟುತ್ತಾರೆ? ಹೇ ಮುನಿಗಳೇ, ಅದನ್ನು ನನಗೆ ಅತ್ಯಂತ ಸ್ಪಷ್ಟವಾಗಿ ತಿಳಿಸಿ, ಏಕೆಂದರೆ ಧಮ್ಮವನ್ನು ತಾವು ಅತಿ ಸ್ಪಷ್ಟವಾಗಿ ತಿಳಿದಿರುವಿರಿ.

5.            ಭಗವಾನರು- ನಾನು ನಿನಗೆ ಅಂತಹ ಪರಮೋಚ್ಛ ಧಮ್ಮವನ್ನು ಉಪದೇಶಿಸುವೆ. ಅದರಿಂದಾಗಿ ವ್ಯಕ್ತಿಯು ಇದೇ ಜನ್ಮದಲ್ಲೇ ಸ್ವಯಂ ಸಾಕ್ಷಾತ್ಕರಿಸಿ, ಪ್ರಜ್ಞಾವಂತನಾಗಿ, ಸ್ಮೃತಿವಂತನಾಗಿ ಜೀವಿಸುತ್ತಾ ಲೋಕದಲ್ಲಿ ತೃಷ್ಣೆಗೆ ಅತೀತನಾಗುತ್ತಾನೆ.

6.            ಮೇತ್ತಗೂ- ಹೇ ಮಹಷರ್ಿಗಳೇ, ನಾನು ಆ ಪರಮೋತ್ತಮವಾದ ಧಮ್ಮಕ್ಕೆ ಅಭಿನಂದನೆಯನ್ನು ಸಲ್ಲಿಸುವೆ. ಯಾವುದರಿಂದಾಗಿ ಆತನು ಸ್ಮೃತಿವಂತನಾಗಿ ಜೀವಿಸುತ್ತಾ ಲೋಕದಲ್ಲಿಯೇ ತೃಷ್ಣೆಗೆ ಅತೀತನಾಗುತ್ತಾನೆ?

7.            ಭಗವಾನರು- ಊದ್ರ್ವದಲ್ಲಿ (ಮೇಲೆ) ಅಧೋ (ಕೆಳಗೆ) ದಿಕ್ಕಿನಲ್ಲಿ ಸುತ್ತಲೂ (ವಕ್ರತೆಯಲ್ಲಿ) ಹಾಗೂ ಮಧ್ಯದಲ್ಲಿ ಯಾವುದೆಲ್ಲವನ್ನೂ ಅರಿತಿರುವೆಯೋ ಅದೆಲ್ಲದರ ಪ್ರತಿ ತೃಷ್ಣೆ ಅಥವಾ ರಾಗವನ್ನು ತ್ಯಾಗ ಮಾಡುವಂತವನಾಗು. ಹಾಗು ಮನಸ್ಸನ್ನು ಭವದಲ್ಲಿ ನಿಲ್ಲಿಸಬೇಡ.

8.            ಈ ರೀತಿಯಾಗಿ ಜೀವಿಸುತ್ತಾ, ಸ್ಮೃತಿವಂತ ಹಾಗು ಜಾಗರೂಕ ಭಿಕ್ಷುವು ಮಮತ್ವವನ್ನು, ಜನ್ಮವನ್ನು, ಜರಾವನ್ನು, ಶೋಕವನ್ನು ಹಾಗು ವಿಲಾಪವನ್ನು ತ್ಯಜಿಸಿ, ದುಃಖ ನಾಶ ಮಾಡುತ್ತಾನೆ.

9.            ಮೆತ್ತಗೂ- ಮಹಾಋಷಿಯೇ, ಈ ವಿಷಯಕ್ಕಾಗಿ ಅಭಿನಂದನೆ ಮಾಡುವೆ. ಹೇ ಗೋತಮರೇ, ತಾವು ನಿಬ್ಬಾಣವನ್ನು ಅತ್ಯಂತ ಸುಂದರವಾಗಿ ನಿರೂಪಿಸಿದಿರಿ, ಖಂಡಿತವಾಗಿ ಭಗವಾನರು ದುಃಖದಿಂದ ಅತೀತರಾಗಿದ್ದಾರೆ. ಏಕೆಂದರೆ ತಾವು ಅಂತಹ ಪರಮ ಉನ್ನತ ಧಮ್ಮವನ್ನು ಅರಿತಿರುವಿರಿ.

10.          ಖಂಡಿತವಾಗಿಯೂ ತಮ್ಮಿಂದ ಉಪದೇಶ ಆಲಿಸುವವರು ಸಹಾ ದುಃಖದಿಂದ ಅತೀತರಾಗುತ್ತಾರೆ. ಹೇ ಮುನಿವರ್ಯರೇ, ಹೇ ನಾಗರೇ (ಉತ್ತಮ ಪುರುಷ) ನಾನು ತಮ್ಮ ಸಮೀಪ ಬಂದು ನಮಸ್ಕರಿಸುವೆ. ಇದರಿಂದಾಗಿ ಭಗವಾನರು ನನಗೆ ನಿರಂತರ ಉಪದೇಶ ನೀಡುವಂತಾಗಲಿ.

11.          ಭಗವಾನರು- ಯಾವ ಬ್ರಾಹ್ಮಣ ಜ್ಞಾನಿಯೋ, ಅಕಿಂಚನನೊ (ಸಂಪಾದಿತನು), ಕಾಮಗಳಲ್ಲಿ ಅನಾಸಕ್ತನೋ ಆತನು ಖಂಡಿತವಾಗಿ ಈ ಲೋಕದ ಪ್ರವಾಹವನ್ನು ದಾಟಿದ್ದಾನೆ. ಆ ತೀರವನ್ನು ಸೇರಿದ್ದಾನೆ ಹಾಗು ಚಿತ್ತ ಮಲಗಳಿಂದ ನಿರ್ಮಲವಾಗಿ ಸಂದೇಹಾತೀತನಾಗಿದ್ದಾನೆ ಎಂದು ಭಾವಿಸಿ.

12           ವಿಜ್ಞನಾದ ಜ್ಞಾನಿಯು ಪುನರ್ಜನ್ಮದಲ್ಲಿ ಆಸಕ್ತಿ ತ್ಯಾಗಮಾಡಿ, ತೃಷ್ಣರಹಿತನಾಗಲಿ, ಪಾಪರಹಿತನಾಗಲಿ, ಕಾಮರಹಿತನಾಗಲಿ, ಅಂತಹವನು ಜನ್ಮ ಮತ್ತು ಜರಾವನ್ನು ದಾಟುತ್ತಾನೆ. ನಾನು ಹೀಗೆ ಹೇಳುತ್ತೇನೆ.

ಇಲ್ಲಿಗೆ ಮೇತ್ತಗೂ ಪ್ರಶ್ನಾವಳಿ ಮುಗಿಯಿತು.

punnaka manava pucca of suttanipata in kannada 3. ಪುಣ್ಣಕ ಮಾಣವ ಪುಚ್ಚ (ಪುಣ್ಣಕ ಮಾಣವನ ಪ್ರಶ್ನಾವಳಿ)

3. ಪುಣ್ಣಕ ಮಾಣವ ಪುಚ್ಚ

(ಪುಣ್ಣಕ ಮಾಣವನ ಪ್ರಶ್ನಾವಳಿ)

1.            ಪುಣ್ಣಕ- ಹೇ ತೃಷ್ಣಾರಹಿತರಾದ ಭಗವಾನ್, ಅಕುಶಲದ ಮೂಲ ಇತ್ಯಾದಿಗಳನ್ನು ಅರಿತಿರುವಂತಹ ತಮ್ಮ ಬಳಿ ನಾನು ಪ್ರಶ್ನೆ ಕೇಳಲು ಬಂದಿರುವೆ. ಭಗವಾನ್, ಯಾವ ಕಾರಣದಿಂದಾಗಿ ಋಷಿಗಳು, ಮನುಜರು, ಕ್ಷತ್ರಿಯರು, ಬ್ರಾಹ್ಮಣರು, ದೇವತೆಗಳ ಹೆಸರಿನಲ್ಲಿ ಬಹಳಷ್ಟು ಯಜ್ಞಗಳನ್ನು ಮಾಡಿದ್ದಾರೆ. ಭಗವಾನರು ನನ್ನಲ್ಲಿ ದಯವಿಟ್ಟು ತಿಳಿಸಬೇಕು.

2.            ಭಗವಾನರು- ಪುಣ್ಣಕ ! ವೃದ್ಧಾಪ್ಯದ ನಂತರವೂ ಜೀವಿಸುವ ಕಾಮನೆಯಿಂದಲೇ ಈ ಲೋಕದಲ್ಲಿ ಋಷಿಗಳು, ಮನುಜರು, ಕ್ಷತ್ರಿಯರು ಹಾಗು ಬ್ರಾಹ್ಮಣರು, ದೇವತೆಗಳ ಹೆಸರಿನಲ್ಲಿ ಬಹಳಷ್ಟು ಯಜ್ಞಗಳನ್ನು ಆಚರಿಸಿದ್ದಾರೆ.

3.            ಭಗವಾನ್, ಯಾವ ಋಷಿಗಳು, ಮನುಜರು, ಕ್ಷತ್ರಿಯರು ಹಾಗು ಬ್ರಾಹ್ಮಣರು ದೇವತೆಗಳ ಹೆಸರಿನಲ್ಲಿ ಬಹಳಷ್ಟು ಯಜ್ಞಗಳನ್ನು ಮಾಡಿದರೋ, ಅಂತಹ ಯಜ್ಞ ಪಥದಲ್ಲಿ ಅಪ್ರಮತ್ತರಾಗಿದ್ದ ಅವರೆಲ್ಲಾ ಜನ್ಮ ಜರಾಗಳನ್ನು ದಾಟಿಹೋಗಿದ್ದಾರೆಯೇ? ಹೇ ಪರಮಪೂಜ್ಯರೇ, ನಾನು ಕೇಳುತ್ತಿದ್ದೇನೆ ತಾವು ತಿಳಿಸಬೇಕು.

4.            ಭಗವಾನರು- ಹೇ ಪುಣ್ಣಕ ! ಸ್ವಾರ್ಥ ಲಾಭದ ಕಾರಣಗಳಿಂದಾಗಿ ಅವರೆಲ್ಲಾ ದೇವತೆಗಳ ಗುಣಗಾನ ಮಾಡುತ್ತಲೇ ಬಂದಿದ್ದಾರೆ. ಪ್ರಶಂಸಿಸುತ್ತಾರೆ, ಚಚರ್ೆ ಮಾಡುತ್ತಾರೆ, ಯಜ್ಞಗಳನ್ನು ಆಚರಿಸುತ್ತಾರೆ ಹಾಗು ಕಾಮಭೋಗಗಳ ಇಚ್ಛೆ ಮಾಡುತ್ತಿರುತ್ತಾರೆ. ಆದರೆ ನಾನು ಹೇಳುತ್ತಿರುವುದು ಏನೆಂದರೆ ಹೀಗೆ ಭವ ತೃಷ್ಣೆಗೆ ಬಲಿಯಾಗಿ ಯಜ್ಞಗಳಲ್ಲಿ ಆಸಕ್ತರಾಗಿರುವವರೆಲ್ಲಾ ಜನ್ಮ ಹಾಗು ಜರಾಗಳನ್ನು ದಾಟಲಿಲ್ಲ.

5.            ಪುಣ್ಣಕ- ಹೇ ಪೂಜ್ಯರೇ ! ಹೀಗೆ ಯಜ್ಞಗಳಲ್ಲಿ ದಾನ ಮಾಡುತ್ತಾ, ಇಂತಹುದರಲ್ಲಿ ರತರಾದ ಜನರು ಜನ್ಮ ಹಾಗು ಜರಾ (ಮುಪ್ಪು)ಗಳನ್ನು ದಾಟಿಲ್ಲವಾದರೆ, ಹೇ ಪೂಜ್ಯರೇ, ಯಾರು ಜನ್ಮ ಹಾಗು ಜರಾಗಳನ್ನು ದಾಟಿರುವವರು, ಹೇ ಭಗವಾನ್ ತಾವು ತಿಳಿಸಬೇಕು.

6.            ಭಗವಾನ್- ಯಾರು ಲೋಕದ ಎಲ್ಲಾ ಅನಿತ್ಯತೆಯನ್ನು ಅರಿತಿರುವನೋ, ಅಂತಹವನು, ಲೋಕಗಳ ಬಗ್ಗೆ ತೃಷ್ಣಾರಹಿತನಾಗುತ್ತಾನೆ. ಅಂತಹ ಪರಮಶಾಂತನು, ವಾಸನಾರಹಿತನು, ಪಾಪರಹಿತನು ಹಾಗು ಆಸಕ್ತರಹಿತನು, ಜನ್ಮ ಹಾಗು ಜರಾಗಳಿಂದ ದಾಟಿ ಹೋಗಿರುತ್ತಾನೆ. ಹೀಗೆ ನಾನು ಹೇಳುತ್ತೇನೆ.

ಇಲ್ಲಿಗೆ ಪುಣ್ಣಕ ಪ್ರಶ್ನೆಗಳು ಮುಗಿಯಿತು.

tissa metteyya manava pucca of suttanipata in kannada 2. ತಿಸ್ಸ ಮೇತ್ತೇಯ್ಯ ಮಾಣವ ಪುಚ್ಚಾ) (ತಿಸ್ಸಮೇತ್ತೇಯ್ಯ ಮಾಣವನ ಪ್ರಶ್ನಾವಳಿ)

2. ತಿಸ್ಸ ಮೇತ್ತೇಯ್ಯ ಮಾಣವ ಪುಚ್ಚಾ)

(ತಿಸ್ಸಮೇತ್ತೇಯ್ಯ ಮಾಣವನ ಪ್ರಶ್ನಾವಳಿ)

1.            ತಿಸ್ಸಮೆತ್ತೆಯ್ಯ- ಈ ಲೋಕದಲ್ಲಿ ಸಂತುಷ್ಟನಾರು? ಯಾರಲ್ಲಿ ಚಂಚಲತೆಯು ಇರುವುದಿಲ್ಲ, ಯಾವ ಜ್ಞಾನಿಯು ಎರಡು ಅತಿರೇಕದ ಹಂತಗಳನ್ನು ಅರಿತು ಮಧ್ಯೆಯಲ್ಲಿಯೂ ಲಿಪ್ತನಾಗುವುದಿಲ್ಲ? ಯಾರಿಗೆ ಮಹಾಪುರುಷನೆಂದು ಕರೆಯುತ್ತಾರೆ. ಹಾಗು ಯಾರು ತೃಷ್ಣೆಗೆ ಅತೀತನಾಗಿದ್ದಾನೆ?

2.            ಭಗವಾನರು- ಯಾರು ಕಾಮಭೋಗಗಳನ್ನು ತ್ಯಾಗ ಮಾಡಿದ ಬ್ರಹ್ಮಚಾರಿಯೋ, ತೃಷ್ಣಾರಹಿತನೋ, ಸ್ಮೃತಿವಂತನೋ ಹಾಗು ಯಾವ ಭಿಕ್ಷು ಪ್ರಜ್ಞಾದಿಂದ ವಿಮುಕ್ತಿಸಾಧಿಸಿರುವನೋ, ಅಂತಹವನಲ್ಲಿ ಚಂಚಲತೆಯಿರದೆ ಅಕ್ರೋಧನಾಗಿರುತ್ತಾನೆ.

3.            ಅಂತಹ ಜ್ಞಾನಿಯೇ ಎರಡು ಅತಿರೇಕದ ಹಂತಗಳನ್ನು ಅರಿತು ಮಧ್ಯೆಯಲ್ಲಿಯೂ ಲಿಪ್ತನಾಗಲಾರ. ಅಂತಹವನನ್ನು ಮಹಾಪುರುಷನೆಂದು ಕರೆಯುತ್ತಾರೆ. ಹಾಗು ಆತನೇ ತೃಷ್ಣೆಗೆ ಅತೀತನಾಗಿರುತ್ತಾನೆ.

ಇಲ್ಲಿಗೆ ತಿಸ್ಸಮೇತ್ತೇಯ್ಯ ಮಾಣವ ಪ್ರಶ್ನೆಗಳು ಮುಗಿಯಿತು.

ajita maanava pucca of suttanipata in kannada ಅಜೀತ ಮಾಣವ ಪುಚ್ಚ (ಅಜೀತ ಮಾಣವನ ಪ್ರಶ್ನಾವಳಿ)

1. ಅಜೀತ ಮಾಣವ ಪುಚ್ಚ

(ಅಜೀತ ಮಾಣವನ ಪ್ರಶ್ನಾವಳಿ)

1.            ಅಜಿತ- ಸಂಸಾರವು ಯಾವುದರಿಂದ ಆವರಿಸಲ್ಪಟ್ಟಿದೆ? ಯಾವುದರಿಂದ ಪ್ರಕಾಶಿತವಾಗುವುದಿಲ್ಲ? ಯಾವುದಕ್ಕೆ ಲೇಪ (ಕಲೆ) ಎನ್ನುತ್ತೇವೆ? ಇದರಿಂದಾಗುವ ಮಹಾಭಯ ಯಾವುದು?

2.            ಭಗವಾನರು- ಸಂಸಾರವು ಅವಿದ್ಯೆಯಿಂದ ಆವರಿಸಲ್ಪಟ್ಟಿದೆ. ಲೋಭ ಹಾಗು ಪ್ರಮಾದದ ಕಾರಣದಿಂದಾಗಿ ಇದು ಪ್ರಕಾಶಿತವಾಗುವುದಿಲ್ಲ. ತೃಷ್ಣಾ ಅಥವಾ ಲೋಭಕ್ಕೆ ನಾನು ಲೋಪ ಅಥವಾ ಕಲೆ ಎನ್ನುತ್ತೇನೆ. ದುಃಖವೇ ಇದರಿಂದಾಗುವ ಮಹಾಭಯ ಆಗಿದೆ.

3.            ಅಜಿತ- ಎಲ್ಲೆಡೆ ತೃಷ್ಣಾ ಸಂಬಂಧಿ ಧಾರೆಗಳು ಹರಿಯುತ್ತಿವೆ; ಈ ಧಾರೆಗಳ ನಿವಾರಣೆಯಾದರೂ ಏನು? ಈ ಧಾರೆಗಳ ಆವರಣವನ್ನು ತಿಳಿಸಿ ಹಾಗು ಈ ಧಾರೆಗಳು ಹೇಗೆ ನಿಂತು ಹೋಗುವುವು?

4.            ಭಗವಾನರು- ಸಂಸಾರದಲ್ಲಿ ಎಷ್ಟೋ ಧಾರೆಗಳು ಇವೆಯೋ ಅವೆಲ್ಲಕ್ಕೂ ಸ್ಮೃತಿಯೇ (ಜಾಗರೂಕತೆಯೇ) ನಿವಾರಣೆಯಾಗಿದೆ. ಎಚ್ಚರಿಕೆಯಿಂದಲೇ ಧಾರೆಗಳ ಆವರಣವಾಗುವುದು. ಈ ಎಲ್ಲಾ ಧಾರೆಗಳು ಪ್ರಜ್ಞೆಯಿಂದಲೇ ನಿಂತುಹೋಗುವುವು.

5.            ಅಜಿತ- ಹೇ ಪರಮಪೂಜ್ಯರೇ, ಪ್ರಜ್ಞಾ, ಸ್ಮೃತಿ ಮತ್ತು ನಾಮರೂಪ (ದೇಹ ಮತ್ತು ಮನಸ್ಸು) ಅಂತ್ಯವು ಎಲ್ಲಿ ಆಗುವುದು? ದಯವಿಟ್ಟು ತಿಳಿಸಿ.

6.            ಭಗವಾನರು- ಅಜಿತ ! ಯಾವ ಪ್ರಶ್ನೆಯನ್ನು ನೀನು ಕೇಳಿದೆಯೋ ಅದಕ್ಕೆ ಉತ್ತರಿಸುವೆ ಆಲಿಸು. ಯಾವಾಗ ನಾಮರೂಪವು ಸಂಪೂರ್ಣವಾಗಿ ನಿರೋಧ ಆಗುವವೋ ಆಗಲೇ ವಿಞ್ಞಾಣದ (ಪ್ರಜ್ಞಾ/ಸ್ಮೃತಿ) ನಿರೋಧವೂ ಆಗುವುದು.

7.            ಅಜಿತ - ಯಾರು ಎಲ್ಲವನ್ನು ಅರಿತಿರುವಂತಹ ಸಂಖತಧಮ್ಮ ಅರಿತಂಥಹವರ ಹಾಗು ಯಾರು ಇನ್ನೂ ಶಿಕ್ಷಣ ಪಡೆಯುತ್ತಿರುವಂತಹ ಸೇಖರೋ ಹಾಗು ಸಾಮಾನ್ಯ ಗೃಹಸ್ಥರೋ (ಪುಥುಜ್ಜನ), ಇವರೆಲ್ಲರೂ ಪಾಲಿಸಬೇಕಾದ ಚಯರ್ೆಗಳು ಯಾವುವು ತಿಳಿಸಿ, ಓ ಪೂಜ್ಯರೇ.

8.            ಭಗವಾನರು- ಕಾಮಭೋಗಗಳಲ್ಲಿ ಲಿಪ್ತನಾಗದಿರುವುದು, ಮನಸ್ಸನ್ನು ನಿರ್ಮಲವಾಗಿಡುವುದು, ಸರ್ವ ಧರ್ಮಗಳಲ್ಲಿ ಕುಶಲನಾಗಿರುವುದು, ಹೀಗಿದ್ದು ಭಿಕ್ಷುವು ಸ್ಮೃತಿವಂತನಾಗಿ ಸಂಚರಿಸಲಿ.

ಇಲ್ಲಿಗೆ ಅಜಿತ ಮಾಣವ ಪ್ರಶ್ನೆಗಳು ಮುಗಿಯಿತು.

parayana vagga of suttanipata in kannada ಪಾರಾಯಣ ವಗ್ಗ

ಪಾರಾಯಣ ವಗ್ಗ

1. ವಸ್ತು ಗಾಥಾ

                (ಈ ವರ್ಗದಲ್ಲಿ ಬಾವರಿ ಬ್ರಾಹ್ಮಣನ ಶಿಷ್ಯರ ಪ್ರಶ್ನೆಗಳ ಉತ್ತರವಿದೆ. ಬಾವರಿಯು ಕೋಸಲಾ ನರೇಶ ಪ್ರಸೇನಜಿತನ ಪುರೋಹಿತನಾಗಿದ್ದನು. ಆತನು ಪ್ರವಜರ್ಿತನಾಗಿ ತನ್ನ ಶಿಷ್ಯರ ಸಮೇತ ಉತ್ತರ ದಿಕ್ಕಿನಿಂದ ದಕ್ಷಿಣ ದಿಕ್ಕಿನ ಕಡೆಗೆ ಚಲಿಸಿ ಗೋದಾವರಿ ನದಿಯ ದಡದಲ್ಲಿ ಆತನು ಆಶ್ರಮವನ್ನು ರಚಿಸಿಕೊಂಡು ಇರತೊಡಗಿದನು. ಆ ಸಮಯದಲ್ಲಿ ಉತ್ತರ ಫಥದಲ್ಲಿ ಆತನು ಭಗವಾನರ ಖ್ಯಾತಿಯನ್ನು ಕೇಳಿ ತನ್ನ ಹದಿನಾರು ಶಿಷ್ಯರನ್ನು ಭಗವಾನರ ಬಳಿಗೆ ಕಳುಹಿಸಿದನು. ಆ ಶಿಷ್ಯರು ಪರ್ಯಟನೆ ಮಾಡುತ್ತಾ ರಾಜಗೃಹದಲ್ಲಿ ಭಗವಾನರನ್ನು ದಶರ್ಿಸಿದರು ಮತ್ತು ಭಗವಾನರೊಂದಿಗೆ ಪ್ರತ್ಯೇಕವಾಗಿ ವಿವಿಧ ಪ್ರಶ್ನೆಗಳನ್ನು ಕೇಳಿದರು. ಬುದ್ಧ ಭಗವಾನರು ಅದಕ್ಕೆ ಉತ್ತರಿಸಿದರು. ವಸ್ತುಗಾಥೆಯು ಸಂಗೀತಿಕಾರಕ ಭಿಕ್ಷುಗಳಿಂದ ರಚಿತವಾಗಿದೆ).

1.            ಮಂತ್ರ ಪಾರಂಗತ ಬ್ರಾಹ್ಮಣನೋರ್ವ ಸರ್ವತ್ಯಾಗಿಯಾಗುವ ಕಾಮನೆಯಿಂದ ಕೋಶಲ ಜನಪದದ ರಮ್ಯ ನಗರವಾದ ಶ್ರಾವಸ್ತಿಯಿಂದ ದಕ್ಷಿಣಪಥದ ಕಡೆಗೆ ಹೋದನು.

2.            ಆತನು ಅಶ್ವಕ (ಆಂಧ್ರ) ಮತ್ತು ಅಲಕ ಎರಡು ರಾಜ್ಯಗಳ ಮಧ್ಯೆ ಗೋದಾವರಿ ನದಿಯ ತೀರದಲ್ಲಿ ಭಿಕ್ಷೆ ಮತ್ತು ಫಲಹಾರಗಳಿಂದ ಜೀವನ ನಡೆಸುತ್ತಿದ್ದನು.

3.            ಅದರ ಸಮೀಪದಲ್ಲೇ ಒಂದು ದೊಡ್ಡ ಗ್ರಾಮವಿತ್ತು. ಅಲ್ಲಿಂದ ಪ್ರಾಪ್ತವಾದ ಸಂಪತ್ತಿನಿಂದ ಆತನು ಒಂದು ಮಹಾಯಜ್ಞವನ್ನು ಮಾಡಿಸಿದನು.

4.            ಮಹಾಯಜ್ಞವನ್ನು ಮಾಡಿಸಿದ ನಂತರ ಮತ್ತೆ ಆತನು ಆಶ್ರಮವನ್ನು ಪ್ರವೇಶಿಸಿದನು. ಅದೇ ಸಮಯದಲ್ಲಿ ಮತ್ತೊಬ್ಬ ಬ್ರಾಹ್ಮಣನು ಅಲ್ಲಿಗೆ ಬಂದನು.

5.            ಬಳಲಿದ ಕಾಲುಗಳು, ಬೆವರಿದ, ಚಿಂತಾಕ್ರಾಂತ, ಧೂಳಿನಿಂದ ಕೂಡಿದ ತಲೆ, ಆ ಬ್ರಾಹ್ಮಣ ಬಾವರಿಯಿಂದ ಐದುನೂರು ನಾಣ್ಯ ಯಾಚಿಸಿದನು.

6.            ಬಾವರಿಯು ಆತನಿಗೆ ಆಸನ ನೀಡಿದನು. ಕ್ಷೇಮವನ್ನು ಕೇಳಿ ನಂತರ ಹೀಗೆ ನುಡಿದನು-

7.            ನನ್ನಲ್ಲಿದ್ದ ಸರ್ವವನ್ನೂ ದಾನ ಮಾಡಿಬಿಟ್ಟೆನು, ನನ್ನನ್ನು ಕ್ಷಮಿಸು, ನನ್ನ ಬಳಿ ಐದುನೂರು ನಾಣ್ಯ ಇಲ್ಲ.

8.            ನಾನು ಯಾಚಿಸಿದ ನಂತರವೂ ನೀನು ನೀಡದಿದ್ದ ಪಕ್ಷದಲ್ಲಿ ಇಂದಿಗೆ ಏಳನೆಯ ದಿನ ನಿನ್ನ ಶಿರವು ಏಳು ಭಾಗಗಳಾಗಿ ಸೀಳಿಹೋಗಲಿ ಎಂದು ಆ ಬ್ರಾಹ್ಮಣ ಶಾಪ ನೀಡಿದನು.

9.            ಆ ಕುಹಕಿಯು ಭಯಾನಕ ರೂಪ ತೋರಿಸಿ ಈ ರೀತಿ ಹೆದರಿಸಿದನು. ಆತನ ಮಾತನ್ನು ನಂಬಿ ಬಾವರಿಯು ದುಃಖಿತನಾದನು.

10.          ಆತನು ಶೋಕದಿಂದ ನಿರಾಹಾರಿಯಾಗಿ ಕೃಶನಾದನು. ಈ ರೀತಿಯ ಚಿತ್ತದಿಂದಾಗಿ ಧ್ಯಾನ ಮಾಡಲು ಸಾಧ್ಯವಾಗಲಿಲ್ಲ.

11.          ಆತನ ಈ ರೀತಿ ಭಯ ಮತ್ತು ಶೋಕವನ್ನು ಕಂಡ ಹಿತೈಷಿ ದೇವತೆಯು ಆತನಿಗೆ ಈ ರೀತಿ ಹೇಳಿತು-

12.          ಈ ಧನಲೋಭಿ ಡೊಂಗಿಗೆ ಶಿರದ ಬಗ್ಗೆ ತಿಳಿದಿಲ್ಲ. ಶಿರ ಮತ್ತು ಶಿರವು ಬೀಳುವುದರ ಬಗ್ಗೆ ಆತನಿಗೆ ಜ್ಞಾನವಿಲ್ಲ.

13.          ಬಾವರಿ - ಹೇ ದೇವತೆ, ಒಂದುವೇಳೆ ನೀವು ಶಿರ ಮತ್ತು ಶಿರವು ಬೀಳುವುದರ ಬಗ್ಗೆ ತಿಳಿದಿದ್ದರೆ ನನಗೆ ಉತ್ತರಿಸಿ, ನಾನು ಅದನ್ನು ಕೇಳಲು ಇಚ್ಚಿಸುತ್ತಿದ್ದೇನೆ.

14.          ದೇವತೆ- ನಾನು ಸಹಾ ಇದನ್ನು ಅರಿತಿಲ್ಲ, ಶಿರ ಮತ್ತು ಶಿರವು ಉರುಳುವುದಂತೂ ಬುದ್ಧರ ವಿಷಯವಾಗಿದೆ.

15.          ಬಾವರಿ - ಹೇ ದೇವತೆಯೇ, ದಯೆಯಿಟ್ಟು ನನಗೆ ವಿವರಿಸಿ, ಶಿರ ಮತ್ತು ಶಿರವು ಉರುಳುವುದನ್ನು ಯಾರು ತಿಳಿಸಬಲ್ಲರು?

16.          ದೇವತೆ - ಮೊದಲು ಇಕ್ಷಾಕು ರಾಜರ ಪುತ್ರ, ಶಾಕ್ಯಪುತ್ರರು ಪ್ರಕಾಶಮಾನರಾದ ಲೋಕನಾಯಕರು ಕಪಿಲವಸ್ತು ನಗರದಿಂದ ಹೊರಟಿದ್ದರು.

17.          ಹೇ ಬ್ರಾಹ್ಮಣ, ಅವರು ಈಗ ಸಮ್ಮಾಸಂಬುದ್ಧರಾಗಿದ್ದಾರೆ. ಅವರು ಸರ್ವ ಧರ್ಮಗಳಲ್ಲಿ ಪಾರಂಗತರಾಗಿದ್ದಾರೆ. ಸರ್ವ ಅಭಿಜ್ಞಾ ಬಲಪ್ರಾಪ್ತರು. ಸರ್ವ ಧರ್ಮದಲ್ಲಿ ಚಕ್ಷುವಂತರು, ಸರ್ವ ಕ್ಲೇಷ ನಾಶಕರು, ಅವರ ಆಸಕ್ತಿಗಳು ನಷ್ಟವಾಗಿ ವಿಮುಕ್ತರಾಗಿದ್ದಾರೆ.

18.          ಅಂತಹ ಚಕ್ಷುಮಾನವರು ಲೋಕಗಳಲ್ಲಿ ಧಮರ್ೊಪದೇಶ ನೀಡುತ್ತಿದ್ದಾರೆ. ನೀವು ಅವರಲ್ಲಿಗೆ ಹೋಗಿ ಕೇಳಿ ಅವರು ಉತ್ತರಿಸುವರು.

19.          ಸಂಬುದ್ಧ ಎಂಬ ಶಬ್ದ ಕೇಳಿಯೇ ಬಾವರಿ ಪ್ರಫುಲ್ಲಿತನಾದನು. ಆತನ ಶೋಕವು ಕಡಿಮೆಯಾಯಿತು ಮತ್ತು ಆತನು ಅತ್ಯಧಿಕ ಆನಂದಿತನಾದನು.

20.          ಬಾವರಿಯು ಪ್ರಸನ್ನ, ಹಷರ್ಿತ ಮತ್ತು ಆನಂದಿತನಾಗಿ ಆ ದೇವತೆಯಲ್ಲಿ ಕೇಳಿದನು- ಲೋಕನಾಥರು ಯಾವ ಜನಪದ ಅಥವಾ ಪ್ರದೇಶದಲ್ಲಿದ್ದಾರೆ. ಎಲ್ಲಿ ನಾವು ಆ ನರಶ್ರೇಷ್ಠರನ್ನು ನಮಸ್ಕರಿಸಬೇಕು.

21.          ದೇವತೆ- ಕೋಶಲ ಜನಪದದಲ್ಲಿ ಶ್ರಾವಸ್ತಿ ನಗರದಲ್ಲಿ ಆ ಮಹಾಪ್ರಾಜ್ಞರು, ಭಾರಮುಕ್ತರು, ಆಸವರಹಿತರು, ನರಶ್ರೇಷ್ಠರು, ತಲೆ ಬೀಳಿಸುವ ಜ್ಞಾತರಾದ ಶಾಕ್ಯಪುತ್ರರು ಈಗ ಬುದ್ಧರು ಮತ್ತು ಜಿನರಾಗಿದ್ದಾರೆ.

22.          ಬಾವರಿಯು ವೇದ ಪಾರಂಗತ ಬ್ರಾಹ್ಮಣ ಶಿಷ್ಯರಲ್ಲಿ ಈ ರೀತಿ ಸಂಬೋಧಿಸಿದನು- ಹೇ ಮಾಣವರೇ, ಇಲ್ಲಿ ಬನ್ನಿ, ನಾನು ನಿಮಗೆ ಹೇಳುತ್ತಿದ್ದೇನೆ, ನನ್ನ ಮಾತು ಕೇಳಿ.

23.          ಸಂಸಾರದಲ್ಲಿ ಯಾರ ಉತ್ಪನ್ನವು ದುರ್ಲಭವೊ, ಅಂತಹವರಾದ ಅನುಪಮ ಸಂಪನ್ನರು, ಸಂಬುದ್ಧ ಎಂಬ ಈ ಹೆಸರಿನಲ್ಲಿ ಉತ್ಪನ್ನರಾಗಿರುವರು. ಶ್ರಾವಸ್ತಿಗೆ ಹೋಗಿ ಆ ಪರಮಶ್ರೇಷ್ಠರ ದರ್ಶನವನ್ನು ಮಾಡಿ.

24.          ಶಿಷ್ಯ - ಹೇ ಬ್ರಾಹ್ಮಣರೆ ! ನಾವು ಯಾವ ರೀತಿಯಲ್ಲಿ ಇವರೇ ಆ ಬುದ್ಧರೆಂದು ಗುರುತಿಸುವುದು? ಈ ಕುರಿತು ಅಜ್ಞಾನಿಗಳಾದ ನಮಗೆ ತಿಳಿಸಿರಿ. ಅದರಿಂದ ನಾವು ಅವರಲ್ಲಿಗೆ ತಲುಪುವಂತಾಗಲಿ.

25.          ಬಾವರಿ- ವೇದಗಳಲ್ಲಿ ಮಹಾಪುರುಷರ ಲಕ್ಷಣಗಳ ವಿವರಣೆಯಿದೆ. ಕ್ರಮ ಮತ್ತು ಪರಿಪೂರ್ಣವಾಗಿ ಅವು ಮೂವತ್ತೆರಡು ಎಂದು ತಿಳಿಸಲಾಗಿದೆ.

26.          ಯಾರ ಶರೀರದಲ್ಲಿ ಈ ಮಹಾಪುರುಷ ಲಕ್ಷಣಗಳಿರುತ್ತವೆಯೋ ಅವರಿಗೆ ಕೇವಲ ಎರಡು ಗತಿಗಳಿರುತ್ತವೆ, ಮೂರನೆಯದು ಇಲ್ಲವೇ ಇಲ್ಲ.

27.          ಒಂದುವೇಳೆ ಅವರು ಪೃಥ್ವಿಯನ್ನು ಜಯಿಸಿ ಗೃಹಸ್ಥರಾಗಿಯೇ ಇರುವುದಾದರೆ, ದಂಡಶಸ್ತ್ರಗಳಿಲ್ಲದೆ ಚಕ್ರವತರ್ಿಯಾಗಿ ಕೇವಲ ಧರ್ಮದಿಂದಲೇ ಶಾಸನವನ್ನು ಮಾಡುವರು.

28.          ಹಾಗಲ್ಲದೆ ಆವರು ಗೃಹತ್ಯಾಗ ಮಾಡಿ ಪಬ್ಬಜಿತರಾಗಿ ಹೋದರೆ ಅಂತಹ ತೆರೆದ ಜ್ಞಾನವುಳ್ಳ ಸರ್ವಶ್ರೇಷ್ಠ ಸಮ್ಮಾಸಂಬುದ್ಧರಾಗುವರು.

29.          ಓ ಶಿಷ್ಯರೇ, ಅವರ ಜಾತಿಯನ್ನು, ಗೋತ್ರವನ್ನು, ಮಂತ್ರವನ್ನು ಕೇಳಿರಿ. ಲಕ್ಷಣವನ್ನು ಗುರುತಿಸಿ, ನೀವು ಪ್ರಶ್ನೆಗಳನ್ನು ಮನಸ್ಸಿನ ಮೂಲಕವೇ ಕೇಳಿ. ಶಿರ ಮತ್ತು ಶಿರವನ್ನು ಬೀಳಿಸುವ ಬಗ್ಗೆ ಮನಸ್ಸಿನಲ್ಲಿಯೇ ಕೇಳಿರಿ.

30.          ಅವರು ಅವರಣರಹಿತ ಜ್ಞಾನಿಗಳಾದ ಬುದ್ಧರೇ ಆಗಿದ್ದಲ್ಲಿ ನಿಮ್ಮ ಮನಸ್ಸಿನ ಮೂಲಕ ಕೇಳುವ ಪ್ರಶ್ನೆಗಳಿಗೆ ಅವರು ವಚನ (ಬಾಯಿಯ)ದ ಮೂಲಕವೇ ಉತ್ತರಿಸುವರು.

31-35. ಬಾವರಿಯ ಮಾತುಗಳನ್ನು ಕೇಳಿದ ಆ ಹದಿನಾರು ಶಿಷ್ಯರಾದ ಅಜಿತ, ಪುಣ್ಣಕ, ಮೇತ್ತಗೂ, ಧೋತಕ, ಉಪಸೀವ, ನಂದ, ಹೇಮಕ, ತೋದೆಯ್ಯ ಮತ್ತು ಕಪ್ಪಾದುಭಯೋ, ಪಂಡಿತ ಜಾತುಕಣ್ಣಿ, ಭದ್ರಾಯುಧ ಉದಯ ಮತ್ತು ಪೋಸಾಲ ಬ್ರಾಹ್ಮಣ, ಮೇಧಾವಿ ಮೋಘರಾಜ, ಮಹಾಋಷಿ ಪಿಂಗಿಯ - ಇವರೆಲ್ಲರೂ ಪ್ರತ್ಯೇಕ ಗಣಗಳ ನಾಯಕರಾಗಿದ್ದರು ಹಾಗು ಪ್ರಸಿದ್ಧರಾಗಿದ್ದರು. ಅವರೆಲ್ಲರೂ ಧ್ಯಾನದಲ್ಲಿ ಲೀನವಾಗುವಂತಹ ಧ್ಯಾನಿಗಳಾಗಿದ್ದರು. ಧೀರರು, ಉಚ್ಛ ಸುಸಂಸ್ಕೃತರು ಆಗಿದ್ದರು. ಅವರೆಲ್ಲರೂ ಬಾವರಿಗೆ ವಂದಿಸಿ, ಪ್ರದಕ್ಷಿಣೆ ಮಾಡಿ, ಜಟಾಧಾರಿಗಳಾದ ಅವರು ಉತ್ತರದ ಕಡೆಗೆ ಹೊರಟರು.

36.          ಅವರು ಮೊದಲು ಆಲಕದ ಪ್ರತಿಷ್ಠಾನಕ್ಕೆ ಹೋದರು. ಅಲ್ಲಿಂದ ಮಾಹಿಷ್ಮತಿ ನಗರಕ್ಕೆ ಹೊರಟರು. ಉಜ್ಜಯಿನಿ, ಗೋಧಪುರ, ವಿಧಿಶಾ ಮತ್ತು ವನವೆಂಬ ನಗರಕ್ಕೆ ಹೊರಟರು.

37.          ನಂತರ ಅಲ್ಲಿಂದ ಕೋಶಂಬಿ, ಸಾಕೇತ, ಉತ್ತಮನಗರ, ಶ್ರಾವಸ್ತಿ, ಸೇತಭ್ಯ ಕಪಿಲವಸ್ತು ಮತ್ತು ಕುಸಿನಾರಕ್ಕೆ ಬಂದರು.

38.          ಅಲ್ಲಿಂದ ಪಾವಾ, ಬೋಗನಗರ, ವೈಶಾಲಿ ಮತ್ತು ರಾಜಗೃಹಕ್ಕೆ ಕೊನೆಗೆ ಬಂದರು. ನಂತರ ಅಲ್ಲಿಯ ರಮಣೀಯ ಮನೋರಮ ಪಾಷಾಣ ಎಂಬ ಚೈತ್ಯಕ್ಕೆ ತಲುಪಿದರು.

39.          ಹೇಗೆ ಬಾಯಾರಿದವನು ಶೀತಲ ಜಲಕ್ಕೆ, ವ್ಯಾಪಾರಿಯು ಮಹಾ ಲಾಭದ ಕಡೆಗೆ, ಬಿಸಿಲಲ್ಲಿ ಪೀಡಿತನಾದವನು ತಂಪು ನೆರಳಿಗೆ ಹಾತೊರೆಯುವರೋ ಹಾಗೆ ಅವರು ಜ್ಞಾನಕ್ಕಾಗಿ ಶೀಘ್ರದಲ್ಲಿ ಪರ್ವತವನ್ನು ಹತ್ತಿದ್ದರು.

40.          ಆ ಸಮಯದಲ್ಲಿ ಭಗವಾನರು ಭಿಕ್ಷು ಸಂಘದ ಮಧ್ಯದಲ್ಲಿ ಭಿಕ್ಷುಗಳಿಗೆ ಸಿಂಹ ಘೋಷಣೆ ಗಾಂಭೀರ್ಯದಲ್ಲಿ ಉಪದೇಶ ಮಾಡುತ್ತಿದ್ದರು.

41.          ಅಜೀತನು ಬುದ್ಧರನ್ನು ನೋಡಿದನು. ಬುದ್ಧರಾದರೋ ಪ್ರಖರರಶ್ಮಿರಹಿತ ಸೂರ್ಯನಂತೆ ತೇಜಸ್ವಿಗಳು ಹಾಗು ಹುಣ್ಣಿಮೆಯ ಕಾಂತಿಯುತ ಪೂರ್ಣ ಚಂದಿರನಂತೆ ಕಾಣಿಸುತ್ತಿದ್ದರು.

42.          ಬುದ್ಧ ಭಗವಾನರ ಶರೀರದಲ್ಲಿ ಕಾಣುವ ಮಹಾಪುರುಷ ಲಕ್ಷಣಗಳನ್ನು ಕಂಡು ಹಷರ್ಿತನಾದನು. ಹಾಗು ಗೌರವದಿಂದ ಒಂದೆಡೆ ನಿಂತು ಮನದಲ್ಲಿಯೇ ಈ ರೀತಿ ಪ್ರಶ್ನಿಸಿದನು.

43.          ಓ ಭಗವಾನರೇ, ನನ್ನ ಆಚಾರ್ಯರ ಆಯಸ್ಸನ್ನು ಹೇಳಿರಿ? ಅವರ ಜಾತಿ, ಗೋತ್ರ, ಲಕ್ಷಣ ಮತ್ತು ವೇದಗಳಲ್ಲಿ ಅವರು ಪಡೆದಿರುವ ಯೋಗ್ಯತೆ ಹೇಳಿರಿ. ಹಾಗು ಅವರು ಎಷ್ಟು ಬ್ರಾಹ್ಮಣರಿಗೆ ಶಿಕ್ಷಣ ನೀಡುತ್ತಾರೆ ತಿಳಿಸಿ.

44.          ಭಗವಾನರು- ಅವರ ಆಯಸ್ಸು ಸರಿಯಾಗಿ ನೂರು ವರ್ಷದ್ದಾಗಿದೆ. ಗೋತ್ರದಲ್ಲಿ ಬಾವರಿಯು ತ್ರಿಲಕ್ಷಣಗಳನ್ನು ಹೊಂದಿದ್ದು, ತ್ರಿವೇದಗಳಲ್ಲಿ ಪಾರಂಗತರಾಗಿದ್ದಾರೆ.

45.          ಅವರು ಲಕ್ಷಣಶಾಸ್ತ್ರ, ಇತಿಹಾಸ, ನಿಘಂಟು ಸಹಿತ ಜ್ಞಾನ ಹೊಂದಿದ್ದು, 500 ಶಿಷ್ಯರಿಗೆ ಕಲಿಸುತ್ತಾ ತಮ್ಮ ಧಮ್ಮದಲ್ಲಿ ಪಾರಂಗತರಾಗಿದ್ದಾರೆ.

46.          ಅಜಿತ- ಹೇ ನರಶ್ರೇಷ್ಠರೇ, ತೃಷ್ಣೆಯನ್ನು ಭೇದಿಸಿದಂತೆ ತಾವು ಬಾವರಿಯ ಲಕ್ಷಣಗಳನ್ನು ವಣರ್ಿಸಿರಿ, ಅದರಿಂದಾಗಿ ನಾವು ಸಂಶಯ ದಾಟಿದವರಾಗುತ್ತೇವೆ.

47.          ಭಗವಾನರು- ಆತ ತನ್ನ ನಾಲಿಗೆಯಿಂದ ಮುಖವನ್ನೇ ಮುಚ್ಚಿಕೊಳ್ಳುತ್ತಾನೆ. ಹುಬ್ಬುಗಳ ಮಧ್ಯೆ ಊಧ್ರ್ವ ಲೋಮವಿದೆ ಹಾಗು ಆತನ ಲಿಂಗವು ಕೋಶದಿಂದ ಆವೃತವಾಗಿದೆ, ಮಾಣವ ಈ ರೀತಿಯಾಗಿ ತಿಳಿದುಕೋ.

48.          ಯಾವುದೇ ಪ್ರಶ್ನೆಗಳನ್ನು ಕಿವಿಗಳಲ್ಲಿ ಆಲಿಸದೆಯೇ, ಅದ್ಭುತವಾಗಿ ಉತ್ತರಗಳನ್ನು ನೀಡುತ್ತಿದ್ದ ಭಗವಾನರನ್ನು ಕಂಡು ಎಲ್ಲರೂ ಪ್ರಮೋದಿತರಾದರು. ಶ್ರದ್ಧೆಯಿಂದ ಅಂಜಲಿಬದ್ಧರಾಗಿ ಹೀಗೆ ಯೋಚಿಸಲಾರಂಭಿಸಿದರು.

49.          ಖಂಡಿತವಾಗಿ ಯಾವುದೋ ದೇವ ಅಥವಾ ಬ್ರಹ್ಮ ಅಥವಾ ಇಂದ್ರ ಅಥವಾ ಸುಜಂಪತಿಯ ಮನೋದ್ವಾರ ಕೇಳಲ್ಪಟ್ಟ ಪ್ರಶ್ನೆಗಳಿಗೆ ಉತ್ತರಿಸುತ್ತಿದ್ದಾರೆ.

50.          ಅಜಿತ- ಶಿರ ಹಾಗು ಶಿರವನ್ನು ಬೀಳಿಸುವ ವಿಷಯದಲ್ಲಿ ಬಾವರಿಯು ಪ್ರಶ್ನಿಸುತ್ತಿದ್ದಾರೆ, ಭಗವಾನರು ಅದಕ್ಕೆ ಉತ್ತರಿಸಬೇಕು. ಹೇ ಋಷಿಯೇ ನಮ್ಮ ಸಂಶಯಗಳನ್ನು ದೂರೀಕರಿಸಿ.

51.          ಭಗವಾನರು- ಅವಿದ್ಯೆಗೆ ಶಿರವೆಂದು ಭಾವಿಸು. ಶ್ರದ್ಧಾ, ಸ್ಮೃತಿ, ಸಮಾಧಿ, ಇಚ್ಛಾಶಕ್ತಿ ಹಾಗು ವೀರ್ಯದಿಂದ ಕೂಡಿದ ವಿದ್ಯೆಗೆ ಶಿರವನ್ನು ಬೀಳಿಸುವಂತಹುದು ಎಂದು ಅರಿತುಕೋ.

52.          ಇಂಥ ಗಂಭೀರ ಜ್ಞಾನವನ್ನು ಅರಿತಂತಹ ಮಾಣವನು ಆಗ ಅತ್ಯಂತ ಆನಂಧಭರಿತನಾಗಿ ಹಾಗೆ ತನ್ನನ್ನು ನಿಯಂತ್ರಿಸುತ್ತ ಒಂದು ಭುಜದ ಮೇಲೆ ಉತ್ತರಿಯವನ್ನು ಹಾಕಿಕೊಂಡು ಭಗವಾನರ ಪಾದದ ಮೇಲೆ ಸಾಷ್ಠಾಂಗ ನಮಸ್ಕಾರ ಹಾಕಿದನು.

53.          ಅಜಿತ- ಹೇ ಮಾರನನ್ನು ಜಯಿಸಿದವರೇ, ಶಿಷ್ಯರ ಸಹಿತ ಬಾವರಿ ಬ್ರಾಹ್ಮಣ ಹಷರ್ಿತ ಹಾಗು ಪ್ರಸನ್ನರಾಗಿ ಚಕ್ಷುವಂತರ ಪಾದಗಳಿಗೆ ವಂದಿಸುತ್ತಿದ್ದಾರೆ.

54.          ಭಗವಾನರು : ಬಾವರಿ ಬ್ರಾಹ್ಮಣ ಶಿಷ್ಯರ ಸಹಿತ ಸುಖಿಯಾಗಿರಲಿ, ನೀನು ಸಹಾ ಸುಖಿಯಾಗಿರು, ಮಾಣವನೇ, ಚಿರಕಾಲ ಜೀವಿಸುವಂತಾಗು.

55.          ಬಾವರಿ ಹಾಗು ನಿಮಗೆಲ್ಲಾ ಸರ್ವ ಸಂಶಯಗಳ ನಿವಾರಣೆಗಾಗಿ ಪ್ರಶ್ನಿಸುವ ಅವಕಾಶ ನೀಡುತ್ತಿದ್ದೇನೆ, ಏನು ಬೇಕಾದರೂ ಪ್ರಶ್ನಿಸಿ.

56.          ಸಂಬುದ್ಧರು ಹೀಗೆ ಅವಕಾಶ ನೀಡಿದ ನಂತರ ಅಜೀತನು ಅಂಜಲಿಬದ್ಧನಾಗಿ ತಥಾಗತರಿಗೆ ಪ್ರಥಮ ಪ್ರಶ್ನೆಯನ್ನು ಕೇಳಿದನು.

ಇಲ್ಲಿಗೆ ವಸ್ತುಗಾಥ ಮುಗಿಯಿತು