pasoora sutta in kannada 8. ಪಸೂರ ಸುತ್ತ

8. ಪಸೂರ ಸುತ್ತ

(ಜ್ಞಾನಿ ಪುರುಷ ವಿವಾದಗಳಲ್ಲಿ ಬೀಳುವುದಿಲ್ಲ)

1.            ಇದೇ ಶುದ್ಧಿ ಮಾರ್ಗವಾಗಿದೆ ಎಂದು ಕೆಲವರು ವಿವಾದ ಮಾಡುವರು. ಹಾಗು ಪರಧರ್ಮದಲ್ಲಿ ಶುದ್ಧಿಯಿಲ್ಲ ಎನ್ನುವರು. ಅವರು ಯಾವುದನ್ನು ನಂಬುವರೋ ಅದನ್ನೇ ಶ್ರೇಷ್ಠ ಎನ್ನುವರು. ಜನರು ವಿಭಿನ್ನ ಧರ್ಮಗಳನ್ನು ನಂಬುವರು.

2.            ಅವರು ವಿವಾದ ಕಾಮನೆಯಿಂದ ಪರಿಷತ್ತಿಗೆ ಹೋಗಿ ಒಬ್ಬರು ಇನ್ನೊಬ್ಬರಿಗೆ ಮೂರ್ಖರೆನ್ನುತ್ತಾರೆ. ವಿಭಿನ್ನ ಗುರುಗಳನ್ನು ನಂಬುತ್ತಾ ಅವರ ಪ್ರಶಂಸೆ ಮಾಡುತ್ತಾರೆ ಮತ್ತು ತಮಗೆ ಕುಶಲರೆಂದು ಭಾವಿಸುತ್ತಾರೆ.

3.            ಪರಿಷತ್ತಿನ ಮಧ್ಯದಲ್ಲಿ ಮಾತುಗಳಲ್ಲಿ ಸಂಲಗ್ನನಾದ ಆತನು ತನ್ನ ಪ್ರಶಂಸೆ ಬಯಸುತ್ತಾ ಮೊದಲೇ ನಿರೂಪಿತನಾಗುತ್ತಾನೆ. ನಂತರ ಸೋತು ಮೌನವಾಗುತ್ತಾನೆ. ಆ ಛಿದ್ರವೇಶಿ ತನ್ನ ನಿಂದೆಯಿಂದ ಕ್ರೋಧಿತನಾಗುತ್ತಾನೆ.

4.            ಪ್ರಶ್ನೆ ಕೇಳಲ್ಪಟ್ಟಿರುವವರೊಂದಿಗೆ ಪರಾಜಿತನಾಗಿ, ಪರಾಜಯವನ್ನು ತೋರಿಸಿದಾಗ ಆ ನಿರಸ್ತ್ರ ಮನುಷ್ಯನು ವಿಲಾಪಿಸುತ್ತಾನೆ, ಶೋಕಪಡುತ್ತಾನೆ ಮತ್ತು ಪ್ರತಿವಾದಿಯು ತನ್ನನ್ನು ಸೋಲಿಸಿದನು ಎಂದು ಯೋಚಿಸಿ ಪಶ್ಚಾತ್ತಾಪಪಟ್ಟು ಶೋಕಿಸುತ್ತಾನೆ.

5.            ಈ ವಿವಾದವು ಶ್ರಮಣರಲ್ಲಿ ಉಂಟಾಗುತ್ತದೆ. ಅವರಲ್ಲಿ ಪ್ರಹಾರ ಹಾಗು ಪ್ರತಿ ಪ್ರಹಾರ ಆಗುತ್ತದೆ. ಈ ವಿಷಯವನ್ನು ಕಂಡು ವಿವಾದದಿಂದ ರಹಿತರಾಗಲಿ. ಇದರಿಂದ ಪ್ರಶಂಸೆಯ ವಿನಃ ಯಾವ ಲಾಭವೂ ಇಲ್ಲ.

6.            ಆತನು ಪರಿಷತ್ತಿನ ಮಧ್ಯದಲ್ಲಿ ತನ್ನ ಮತದ ಸಮರ್ಥನೆಗಾಗಿ ಪ್ರಶಂಸಿತನಾಗುತ್ತಾನೆ. ಆತನು ಮನಕ್ಕೆ ಅನುಸಾರವಾಗಿ ತನ್ನ ಇಚ್ಛೆ ಪೂರ್ಣಗೊಳಿಸಿ ನಗುತ್ತಾನೆ ಹಾಗು ಅಭಿಮಾನಪಡುತ್ತಾನೆ.

7.            ಆತನು ಅಭಿಮಾನವನ್ನು ವಿನಾಶದ ಕಾರಣ ಎಂದು ಅರಿಯದೆ ಅಭಿಮಾನದ ಹಾಗು ಅಹಂನ ಮಾತನಾಡುತ್ತಾನೆ. ಇದನ್ನು ಕಂಡು ಸಹಾ ವಿವಾದದಲ್ಲಿ ಬೀಳದಿರಲಿ. ಕುಶಲ ವ್ಯಕ್ತಿಗಳು ಅದನ್ನು ಶುದ್ಧಿ ಎಂದು ಹೇಳಲಾರರು.

8.            ಹೇಗೆ ರಾಜನಿಂದ ಪ್ರೇರಿತನಾದ ಮಲ್ಲನು ಹೋರಾಟಕ್ಕಾಗಿ ಪ್ರತಿದ್ವಂದಿ ಮಲ್ಲನಿಗೆ ಯುದ್ಧಾಹ್ವಾನ ನೀಡುವನೋ ಹಾಗೆಯೇ ಪ್ರಸ್ತುತ ನೀನು ಅದೇರೀತಿ ಜನರ ಬಳಿಗೆ ಹೋಗು, ಏಕೆಂದರೆ ನನ್ನ ಬಳಿ ಯುದ್ಧ (ವಾದ) ಕ್ಕಾಗಿ ಏನೂ ಶೇಷವಿಲ್ಲ (ಆಸಕ್ತಿಯಿಲ್ಲ).

9.            ಯಾವ ದೃಷ್ಟಿಯನ್ನು ಗ್ರಹಣ ಮಾಡಿ ವಿವಾದ ಮಾಡುವರೋ ಮತ್ತು ಇದೇ ಸತ್ಯವೆಂದು ಹೇಳಿ ವಿವಾದ ಮಾಡುವರೋ, ಅವರಿಗೆ ಹೇಳಬೇಕಾಗಿರುವುದು ಏನೆಂದರೆ ವಿವಾದಕ್ಕಾಗಿ ನಿಮ್ಮ ಜೊತೆ ಮಾತನಾಡಲು ಇಲ್ಲಿ ಯಾರೂ ಇಲ್ಲ.

10.          ಕೆಲವರು ಒಂದು ದೃಷ್ಟಿಯಿಂದ ಇನ್ನೊಂದು ದೃಷ್ಟಿಯ ವಿರೋಧ ಮಾಡದೆ ಪ್ರತಿದ್ವಂದಿರಹಿತರಾಗುತ್ತಾರೆ. ಏನು ಪಸೂರನೇ ಶಿಕ್ಷಣ ಸಮಾಪ್ತನಾದ ನೀನು ಅವರನ್ನು ವಿವಾದದಲ್ಲಿ ಕಾಣಬಲ್ಲೆಯಾ?

11.          ತನ್ನ ದೃಷ್ಟಿ ಸಮರ್ಥನೆಗೆ ಅನೇಕ ವಿಷಯ ಯೋಚಿಸಿ ನಂತರ ಶುದ್ಧ ಪುರುಷನ ಬಳಿ ಹೋದರೂ ವಿವಾದದಲ್ಲಿ ಆತನನ್ನು ನೀ ಕಾಣಲಾರೆ.

ಇಲ್ಲಿಗೆ ಪಸೂರ ಸುತ್ತ ಮುಗಿಯಿತು.